శ్రీ రాముని జీవితం ప్రపంచ మానవాళికి ఆదర్శం..: నీలం మధు ముదిరాజ్..

శ్రీ రాముని జీవితం ప్రపంచ మానవాళికి ఆదర్శం..: నీలం మధు ముదిరాజ్..
చిట్కుల్ లో గడప గడపకు రామ మందిర అక్షింతల పంపిణీ…

సాక్షిత : శ్రీరాముని జీవితం సర్వ ప్రపంచ మానవాళికి ఆదర్శనీయమని ఎన్ఎంఆర్ యువసేన వ్యవస్థాపక అధ్యక్షుడు నీలం మధు ముదిరాజ్ అన్నారు.
చిట్కుల్ గ్రామంలో అయోధ్య శ్రీరాముని కి చెందిన అక్షింతలను గడపగడపకు పంపిణీ చేసిన కార్యక్రమంలో ఆయన పాల్గొన్నారు.

ఈ సందర్భంగా ఆయన మాట్లాడుతూ అయోధ్యలో ఈ నెల 22 న రామ మందిర ప్రారంభోత్సవం జరుగుతుందని తెలిపారు. ఈ కార్యక్రమంలో భాగంగానే అయోధ్య శ్రీరాముడికి చెందిన అక్షింతలను ప్రజలకు పంపిణీ చేస్తున్నామని వెల్లడించారు. ఆ అయోధ్య శ్రీరాముడి మందిర స్థాపన కార్యక్రమాన్ని వేయి కన్నులతో చూడడానికి హిందూ బంధువులందరు ఆసక్తితో ఎదురు చేస్తున్నారన్నారు. కన్నుల పండుగ జరిగే ఈ కార్యక్రమన్ని ప్రతి ఒక్కరూ సామాజిక మాధ్యమాల ద్వారా అయిన తిలకించి ఆ శ్రీరాముడి కృపాకటాక్షాలకు పాత్రులు కావాలని పిలుపునిచ్చారు. ఈ కార్యక్రమంలో స్థానిక ప్రజాప్రతినిధులు, భక్తులు,ప్రజలు, ఎన్ఎంఆర్ యువసేన సభ్యులు, తదితరులు పాల్గొన్నారు.