సాక్షిత గద్వాల:-జోగులాంబ గద్వాల జిల్లా గద్వాల నియోజకవర్గం నుండి అసెంబ్లీ అభ్యర్థిగా బీజేపీ పార్టీ బల్గేర శివారెడ్డిని నియమించిందని, ఆయనకు నియోజకవర్గ ప్రజలు మద్దతు ఇచ్చి గెలిపించాలని మాజీ మంత్రి, బీజేపీ జాతీయ ఉపాధ్యక్షురాలు డీకే అరుణ కోరారు.శుక్రవారం జిల్లా కేంద్రంలోని డీకే బంగ్లాలో ఏర్పాటు చేసిన కార్యకర్తల సమావేశంలో ఆమె మాట్లాడారు. బీసీలకు సముచిత స్థానం కల్పించాలనే ఉద్దేశంతో బీజేపీ అధిష్టానం ఈ నిర్ణయానికి వచ్చిందన్నారు. పార్టీ అధిష్టానానికి కట్టుబడి ఉంటూ పోటీ నుండి తప్పుకొని బీజేపీ అభ్యర్థిగా శివారెడ్డికి మద్దతు ఇస్తున్నట్లు ఆమె చెప్పారు. బీజేపీ ప్రవేశపెట్టిన ఎన్నో పథకాలు నిరుపేదలకు చేరాయని తెలిపారు. ఎన్నో ఏళ్లుగా డీకే కుటుంబాన్ని ఆదరించినట్లుగానే నియోజకవర్గ ప్రజలు బీసీ వర్గానికి చెందిన శివారెడ్డిని ఆదరించాలని కోరారు….
