National Award for Chandoo ‘Click’

చందూ ‘క్లిక్’ కు జాతీయ బహుమతి
-మాజీ ఎంపీ పొంగులేటి అభినందన

సాక్షిత ఉమ్మడి ఖమ్మం బ్యూరో చీఫ్:

బీఆర్ఎస్ రాష్ట్ర నాయకులు, ఖమ్మం మాజీ పార్లమెంటు సభ్యులు పొంగులేటి శ్రీనివాసరెడ్డి వ్యక్తిగత ఫొటోగ్రాఫర్ సిహెచ్. చంద్రశేఖర్ (చందూ)కు జాతీయ స్థాయి ఫొటోగ్రఫీ పోటీల్లో ఉ త్తమ బహుమతి లభించింది.

ఖమ్మం ఫొటోఆర్ట్స్ ఆర్గనైజేషన్ వారి ఆధ్వర్యంలో ఈనెల 27 నుంచి 30వ తేదీ వరకు వైజాగ్లోని అరకులో నాలుగు రోజుల పాటు నిర్వహించిన జాతీయ స్థాయి పోటీల్లో ‘ల్యాండ్స్కెప్’ విభాగంలో చందూకు ఈ బహుమతి లభించింది. దీనిని పోటీల ముగింపు అనంతరం జరిగిన కార్యక్రమంలో తెలంగాణ ఫొటోగ్రఫీ అకాడమీ సెక్రటరీ విశ్వేందర్ రెడ్డి, ఏపీ ఫొటోగ్రఫీ అకాడమీ సెక్రటరీ సుధాకర్ రెడ్డి, ప్రముఖ కవయిత్రి రావులపాటి సునీతా, కెపీఏవో అధ్యక్ష,

కార్యదర్శులు చింతల నాగేశ్వరరావు, సెక్రటరీ వి. నాగరాజు దేవర తదితరులు చందూకు అందజేశారు. చందూకు జాతీయస్థాయిలో బహుమతి రావడం పట్ల ఖమ్మం మాజీ పార్లమెంటు సభ్యులు పొంగులేటి శ్రీనివాసరెడ్డితో పాటు జిల్లా ఫొటోగ్రఫీ అసోసియేషన్ బాధ్యులు హర్షం వ్యక్తం చేశారు.