చిరుధాన్యాలతో ఆరోగ్యానికి ఎంతో మేలు
చిరుధాన్యాల ఆహార పండుగ సందర్భంగా శ్రీకాకుళం జిల్లా మహిళా శిశు సంక్షేమ,వ్యవసాయ శాఖల ఆధ్వర్యంలో జిల్లా పరిషత్ సమావేశమందిరం వద్ద చిరుధాన్యాల ఆహార ప్రదర్శన నిర్వహించారు.ముఖ్య అతిథిగా పాల్గొన్న జిల్లా కలెక్టర్ స్పందన కార్యక్రమానికి వచ్చిన దరఖాస్తూ దారులకు,జిల్లా అధికారులకు చిరుధాన్యాలతో తయారు చేసిన జావ అందజేశారు.ఈ సందర్బంగా జిల్లా కలెక్టర్ మాట్లాడుతూ రానున్న రోజుల్లో చిరుధాన్యాల ప్రాధాన్యత మరింత పెరుగుతుందన్నారు.చిరుధాన్యాలలో పోషకాలను గుర్తించి అంతర్జాతీయ చిరుధాన్యాల దినోత్సవంగా ప్రకటించడం అభినందనీయమన్నారు.చిరు ధాన్యాలలో లభించే పోషకాలు ప్రజలకు ఎంతో మేలు చేస్తాయన్నారు.వాటి విలువను ప్రజలకు వివరించాడనికే ఇలాంటి కార్యక్రమం ప్రభుత్వం నిర్వహిస్తుందన్నారు.ఈ కార్యక్రమంలో మహిళా శిశు సంక్షేమ అధికారిణి అనంత లక్ష్మీ, జిల్లా వ్యవసాయ అధికారి శ్రీధర్, సాంఘిక సంక్షేమ శాఖ ఉప సంచాలకులు గడ్డెమ్మ ,జిల్లా కో ఆర్డినేటర్ గ్రేస్ తదితరులు పాల్గొన్నారు.
