శంకర్‌పల్లి: ఫిబ్రవరి 02: ( సాక్షిత న్యూస్): సర్పంచుల పదవీకాలం ముగిసిన నేపథ్యంలో ప్రభుత్వం ఇచ్చిన ఆదేశాల మేరకు శంకర్‌పల్లి మండల పరిధిలోని గ్రామపంచాయతీల్లో శుక్రవారం నుంచి ప్రత్యేకాధికారుల పాలన ప్రారంభం అయ్యిందని ఎంపీడీవో వెంకయ్య గౌడ్ తెలిపారు. ఈ సందర్భంగా ఎండిఓ వెంకయ్య గౌడ్ మండల ప్రజా పరిషత్ సమావేశ మందిరంలో మాట్లాడుతూ తహశీల్దార్, ఎంపీవో, డీటీ, ఆర్ఎ, ఇంజినీర్లు, ఎంఈవో, ఇతర గెజిటెడ్ స్థాయి అధికారులను ప్రభుత్వం ప్రత్యేకాధికారులుగా నియమించిందని పేర్కొన్నారు. గ్రామ కార్యదర్శులకు, ప్రత్యేక అధికారులకు గ్రామ పరిపాలన పై అవగాహన కార్యక్రమాన్ని నిర్వహించారు. పదేళ్ల తర్వాత గ్రామాలు మళ్లీ ప్రత్యేక పాలనలోకి వెళ్లాయని తెలియజేశారు.