Former MP Ponguleti’s brother Narottama Reddy died untimely

మాజీ ఎంపీ పొంగులేటి సోదరుడు నరోత్తమ రెడ్డి అకాల మరణం

-మృతదేహాన్ని సందర్శించి నివాళ్లు

సాక్షిత ఉమ్మడి ఖమ్మం బ్యూరో చీఫ్:

కల్లూరు : బీఆర్ఎస్ రాష్ట్ర నాయకులు, ఖమ్మం మాజీ పార్లమెంటు సభ్యులు పొంగులేటి శ్రీనివాసరెడ్డి పెద్దనాన్న కుమారుడు నరోత్తమ రెడ్డి మంగళవారం మధ్యాహ్నం కల్లూరు మండలంలోని వారి స్వగ్రామమైన నారాయణపురంలో అనారోగ్యంతో బాధపడుతూ అకాల మరణం పొందారు.

కాగా మాజీ ఎంపీ పొంగులేటి శ్రీనివాసరెడ్డి, పొంగులేటి ప్రసాదరెడ్డి సోదరులు ఆయన మృతదేహాన్ని బుధవారం ఉదయం సందర్శించి నివాళ్లర్పించారు. అంత్యక్రియల్లో పాల్గొన్నారు. ఆయన మృతి తమ కుటుంబానికి తీరని లోటని ఈ సందర్భంగా పొంగులేటి సోదరులు తీవ్ర విచారం వ్యక్తం చేశారు.

సోదరుడు నరోత్తమ రెడ్డి ఆత్మకు శాంతి కలగాలని వారు దేవుణ్ణి ప్రార్థించారు. ఆయనతో తమకున్న జ్ఞాపకాలను గుర్తుకు చేసుకుని కన్నీటి పర్యంతం అయ్యారు. సహృదయం, సేవాదృక్పథం కలిగిన నరోత్తమ రెడ్డికి స్వర్గలోక ప్రాప్తి కలగాలని దేవుణ్ణి వేడుకున్నారు. నివాళ్లర్పించిన వారిలో డీసీసీబీ మాజీ ఛైర్మన్ మువ్వా విజయబాబు, డీసీసీబీ డైరెక్టర్ తుళ్లూరి బ్రహ్మయ్య, డాక్టర్ మట్టా దయానంద్, జారె ఆదినారాయణ తదితరులు ఉన్నారు.