sakshithanews
-జిల్లా ఎన్నికల అధికారి, జిల్లా కలెక్టర్ వి.పి. గౌతమ్
ఉమ్మడి ఖమ్మం బ్యూరో చీఫ్ సాక్షిత
ఈ నెల 5 నుండి ఇవిఎం ల ఫస్ట్ లెవల్ చెకప్ చేయనున్నట్లు జిల్లా ఎన్నికల అధికారి, జిల్లా కలెక్టర్ వి.పి. గౌతమ్ తెలిపారు. శుక్రవారం కలెక్టర్ నూతన కలెక్టరేట్ ప్రాంగణంలోని ఇవిఎం గోడౌన్ ను తనిఖీ చేశారు. బ్యారికెటింగ్, భద్రత తదితర అన్ని ఏర్పాట్లు చేసి, ఫస్ట్ లెవల్ చెకప్ కి చర్యలు తీసుకోవాలన్నారు. ఐసిఐఎల్ ఇంజనీర్లు, రాజకీయ పార్టీల ప్రతినిధుల సమక్షంలో ఈ నెల 5 నుండి పది రోజుల పాటు ఇవిఎం ల తనిఖీ ప్రక్రియ పూర్తి చేయనున్నట్లు కలెక్టర్ అన్నారు.
ఈ సందర్భంగా అదనపు కలెక్టర్ డి. మధుసూదన్ నాయక్, కలెక్టరేట్ ఎన్నికల సూపరింటెండెంట్ రాంబాబు, సూపరింటెండెంట్ మదన్ గోపాల్, అధికారులు తదితరులు ఉన్నారు.
