School Excellence Award for the third time for Oxford School
ఆక్స్ ఫర్డ్ స్కూల్ కు మూడోసారి స్కూల్ ఎక్సలెన్స్ అవార్డు
సాక్షిత ఉమ్మడి ఖమ్మం బ్యూరో చీఫ్:
నగరంలోని ఆక్స్ ఫర్డ్ స్కూల్ మూడోసారి జాతీయ అవార్డును సొంతం చేసుకుంది. బ్రైన్ ఫీడ్ సంస్థ ప్రతి యేటా వివిధ కేటగిరిలలో ఉత్తమ విద్యను బోధించే పాఠశాలలను ఎంపిక చేసి ఈ అవార్డు లు ప్రధానం చేస్తుంటుంది. ఆ క్రమంలో 2022 – 2023 విద్యా సంవత్సరానికి గాను దేశ వ్యాప్తంగా 500 పాఠశాలలను గుర్తించారు.
తెలంగాణ రాష్ట్రంలో బెస్ట్ టెక్నో స్మార్ట్ స్కూల్ కేటగిరి కింద “స్కూల్ ఎక్సలెన్స్ అవార్డు” కొరకు ఆక్స్ ఫర్డ్ స్కూల్ ఎంపికైంది. ఈ మేరకు హైదరాబాద్ లోని హైటెక్ సిటీ లో జరిగిన 10 నేషనల్ కాన్ఫరెన్స్ లో అవార్డుల ప్రదాన కార్యక్రమం జరిగింది.
ఈ కార్యక్రమానికి ఆక్స్ ఫర్డ్ స్కూల్ కరస్పాండెంట్ మహ్మద్ జాఫర్ మతీన్, వైస్ ప్రిన్సిపాల్ సిద్దిఖా మతీన్ హాజరై అవార్డు అందుకున్నారు. తమ పాఠశాల కు జాతీయ స్థాయి అవార్డు దక్కడం పట్ల పాఠశాల ఉపాధ్యాయులు, విద్యార్థులు, తల్లిదండ్రులు హర్షం వ్యక్తం చేశారు
