రోడ్డు పక్కన గుంతను బాగు చేయండి మహాప్రభో
శంకర్‌పల్లి: మార్చి 22: (సాక్షిత న్యూస్): రోడ్డు పక్కన గుంతను బాగు చేయండి మహాప్రభో అని ప్రయాణికులు, ప్రజలు కోరుతున్నారు. శంకర్‌పల్లి మున్సిపాల్టీ పరిధి 8వ వార్డు ఫతేపూర్ వార్డు కల్లు దుకాణం సమీపాన రోడ్డు పక్కన డ్రైనేజీ కోసం గుంత తవ్వారు. గుంతను పూడ్చడం మరిచారు. శుక్రవారం ఓ ప్రయాణికుడు కారును రోడ్డు పక్కన పార్కింగ్ చేద్దామని నిలిపాడు. పక్కనే డ్రైనేజీ గుంతను చూడక అదుపుతప్పి ప్రమాదం ఏమి జరగలేదు. ఇప్పటికైనా రోడ్డు భవనాల అధికారులు, మునిసిపల్ అధికారులు, స్థానిక నాయకులు వెంటనే స్పందించి గుంతను పూడ్చాలని కోరుతున్నారు.
