Muhammad Iqbal was elected as the President of Bizigir Sharif Dargah for the second time
కరీంనగర్ జిల్లా జమ్మికుంట పట్టణంలోని బిజిగిర్ షరీఫ్ దర్గా అధ్యక్షుడిగా రెండోసారి ఎన్నికైన మహమ్మద్ ఇక్బాల్ భాయ్,,,
జమ్మికుంటరూరల్: మండలంలోని బిజిగిరిషరీఫ్ గ్రామంలోని హజ్రత్ సయ్యద్ ఇంకుషావళి రహమతుల్లాహ్ అలై దర్గా అధ్యక్షుడిగా మహ్మద్ ఇక్బాల్ 27 ఓట్లతో గెలుపొందినట్లు దర్గా ముత్తవల్లి మొహమ్మద్ అక్బర్ ఆలీ తెలిపారు. ఈ మేరకు ఆదివారం రోజున(08-01-2023) దర్గా ముతవల్లి అక్బర్ ఆలీ ఆధ్వర్యంలో స్థానిక గెస్ట్ హౌస్ లో బ్యాలెట్ ద్వారా నిర్వహించిన ఎన్నికల్లో దర్గా ముజావర్లు మొహమ్మద్ ఇక్బాల్, అన్వర్ హుస్సేన్; చాంద్ పాషాలు అధ్యక్ష పదవి కొరకు పోటీపడ్డారు. మొత్తం 48 ఓట్లు పోలు కాగా, ఇక్బాల్ కు 27; చాంద్ పాషాకు 21 ఓట్లు పోలయ్యాయి.
మెజారిటీ ఓట్లతో మొహమ్మద్ ఇక్బాల్ బిజీగిర్ షరీఫ్ దర్గా కమిటీ అధ్యక్షుడిగా, జామే మస్జిద్ కమిటీ అధ్యక్షుడిగా ఎన్నికయ్యారు. ఈయన పదవీ కాలం 3 సంవత్సరాల పాటు కొనసాగుతుందని దర్గా ముతవల్లి అక్బర్ అలీ పేర్కొన్నారు. ఈ సందర్భంగా దర్గా కమిటీ నూతన అధ్యక్షుడు ఇక్బాల్ మాట్లాడుతూ దర్గా అభివృద్ధి కొరకు పాటుపడతానని, భక్తులకు ఎటువంటి ఇబ్బందులు రాకుండా తగిన చర్యలు తీసుకుంటామన్నారు. తనపై నమ్మకంతో రెండోసారి గెలిపించినందుకు దర్గా ముజావర్లు అందరికీ కృతజ్ఞతలు తెలియజేశారు.
