కాంగ్రెస్ పార్టీ ఎన్నికలలో భాగంగా ప్రజలకు ఇచ్చినటువంటి మరో రెండు హామీలను అమలు చేసింది. మహాలక్ష్మి పథకంలో భాగంగా ప్రతి ఇంటికి 500 రూ|| కే గ్యాస్ సిలిండర్ మరియు గృహజ్యోతి పథకంలో భాగంగా ప్రతి ఇంటికి 200 యూనిట్ల ఉచిత విద్యుత్ ఇస్తామని చెప్పడం జరిగింది.
ఇచ్చిన మాట ప్రకారం ఈ రెండు గ్యారెంటీలను అమలు చేసిన సందర్భంగా జిన్నారం మండల కాంగ్రెస్ పార్టీ నాయకులు ప్రజలతో కలిసి ఈ రెండు గ్యారెంటీలను ఆవిష్కరించిన ముఖ్యమంత్రి ఎనుముల రేవంత్ రెడ్డి కి ధన్యవాదాలు తెలియజేసారు. ఈ సందర్భంగా నాయకులు మాట్లాడుతూ ఈ రెండు పతకాలు పేద మధ్యతరగతి కుటుంబాలకు ఎంతో సహాయపడతాయి వారు ఆర్థికంగా నిలదొక్కుకోవడానికి దోహదపడతాయని తెలిపారు.
ఈ కార్యక్రమంలో జిన్నారం మండల పరిషత్ అధ్యక్షులు రవీందర్ గౌడ్ , జిన్నారం బ్లాక్ కాంగ్రెస్ అధ్యక్షులు శ్రీకాంత్ రెడ్డి , జిన్నారం మండల కాంగ్రెస్ పార్టీ అధ్యక్షులు వడ్డే కృష్ణ , ఎంపీటీసీ జనాబాయ్ , ఎంపీటీసీ లావణ్య నరేష్ , ఉపాధ్యక్షులు రాజు గౌడ్ , సీనియర్ నాయకులు జయ ప్రకాష్ , యువజన కాంగ్రెస్ అధ్యక్షులు ఎనగండ్ల నరేందర్ మరియు జిన్నారం మండల కాంగ్రెస్ పార్టీ నాయకులు, కార్యకర్తలు, ప్రజలు పాల్గొని ఈ కార్యక్రమాన్ని విజయవంతం చేయడం జరిగింది
