అందరి నోట ఒకటే మాట జగనన్నే మా భవిష్యత్తు

ప్రతి గడపలో జగనన్న సంక్షేమ ముద్ర

ఎన్టీఆర్ జిల్లా, మైలవరం, 12.4.2023

ఎన్టీఆర్ జిల్లా మైలవరం నియోజకవర్గంలో గడపగడపకు మన ప్రభుత్వం కార్యక్రమంలో ప్రతి గడపకు వెళుతున్న మైలవరం శాసనసభ్యులు వసంత వెంకట కృష్ణ ప్రసాద్ గారికి అందరినోట ఒకటే మాట వినిపిస్తోంది. జగనన్నే మా భవిష్యత్ మా నమ్మకం నువ్వే జగన్ అంటూ ప్రజలు చెబుతున్నారు.

మైలవరంలోని సచివాలయం-5 పరిధిలో గడపగడపకు మన ప్రభుత్వం కార్యక్రమంలో స్థానిక శాసనసభ్యులు కృష్ణ ప్రసాద్ గారు బుధవారం పాల్గొన్నారు. ప్రతిగడపలో జగనన్న సంక్షేమ పథకాల ముద్ర కనిపిస్తోంది. ఎలాంటి ఆదరణ లేని ఎంతోమందికి సీఎం జగనన్న అమలు చేస్తున్న పథకాలు కల్పవృక్షంలా మారాయి. పేదల కడుపులు నింపుతున్నాయి.

అనారోగ్యంతో బాధపడుతున్న వారు, పేద కుటుంబాలు, నిత్యం చెమటోడ్చుతూ కష్టపడి పని చేసుకుని బతికే శ్రమజీవులు, పిల్లల ఆదరణకు నోచుకోని వృద్ధులు, ముఖ్యంగా దివ్యంగులు, మహిళలు, ఆడపడుచులు, విద్యార్థులు, రైతులు ఎంతో మంది మోముల్లో సీఎం జగనన్న పథకాలు చిరునవ్వులు చిందిస్తున్నాయని శాసనసభ్యులు కృష్ణప్రసాదు గారు పేర్కొన్నారు.