MLA’s visit to Nizampet as part of Pragathi Yatra

ప్రగతి యాత్ర‘లో భాగంగా నిజాంపేట్ లో ఎమ్మెల్యే పర్యటన…

సాక్షిత : కుత్బుల్లాపూర్ నియోజకవర్గం, నిజాంపేట్ మున్సిపల్ కార్పొరేషన్ పరిధిలోని 17వ డివిజన్ కౌసల్య కాలనీ, సాయి కృష్ణజ హిల్స్ లలో ‘ప్రగతి యాత్ర‘లో భాగంగా ఎమ్మెల్యే కేపి వివేకానంద్ పర్యటించారు. ఈ మేరకు స్థానిక మేయర్ కొలన్ నీలా గోపాల్ రెడ్డి , డిప్యూటీ మేయర్ ధనరాజ్ యాదవ్ , స్థానిక కార్పొరేటర్ ఆగం రాజు ముదిరాజ్ తో కలిసి పాదయాత్ర చేశారు.

ఈ సందర్భంగా కాలనీలో చేపడుతున్న లైబ్రరీ భవన నిర్మాణ పనులు, ఎస్.ఎన్.డి.పి నాలా పనులు పరిశీలించారు. అనంతరం కాలనీలో ఎన్నో రోజులుగా ఉన్న ఖాళీ స్థలాన్ని పార్క్ అభివృద్ధికి కేటాయించిన నేపథ్యంలో కాలనీ వాసులు హర్షం వ్యక్తం చేశారు. ఈ కార్యక్రమంలో ఫ్లోర్ లీడర్ ఆగం పాండు ముదిరాజ్, స్థానిక కార్పొరేటర్లు, కోఆప్షన్ సభ్యులు, నాయకులు తదితరులు పాల్గొన్నారు