తిరుమల శ్రీవారి ఆలయంలో ఈ నెల 23 నుంచి జనవరి 1వరకు మొత్తం 10రోజుల పాటు భక్తులకు వైకుంఠ ద్వార దర్శనం కల్పించనున్నారు. దీనికి గాను తిరుపతి, తిరుమలలోని 10కేంద్రాలలో ఈ నెల 22నుంచి 4,23,500టోకెన్లు ఇవ్వనున్నట్లు టీటీడీ ఈఓ ధర్మారెడ్డి తెలిపారు. ఈ కౌంటర్లలో టోకెన్లు తీసుకొని అందులో పొందుపరిచిన సమయానికి ఆలయంలోకి వెళ్లి స్వామి వారి దర్శనం చేసుకోవచునని అన్నారు.వైకుంఠ ఏకాదశి రోజున శ్రీవారి స్వర్ణ రథోత్సవం జరుగుతుంది.