ప్రగతి యాత్ర‘లో భాగంగా 48వ రోజు ఎమ్మెల్యే కేపి వివేకానంద్ పర్యటన…
జీడిమెట్ల డివిజన్ మీనాక్షీ ఎస్టేట్స్ లో పాదయాత్ర…

సాక్షిత : కుత్బుల్లాపూర్ నియోజకవర్గం, జీడిమెట్ల 132 డివిజన్ పరిధిలో ‘ప్రగతి యాత్ర‘లో భాగంగా 48వ రోజు ఎమ్మెల్యే కేపి వివేకానంద్ పర్యటించారు. ఈ సందర్భంగా మీనాక్షీ ఎస్టేట్స్ లో స్థానికులతో కలిసి పాదయాత్ర చేస్తూ పూర్తి చేసిన అభివృద్ధి పనులు, కోట్ల నిధులతో చేపడుతున్న ఎస్.ఎన్.డి.పి నాలా నిర్మాణ పనులు పరిశీలించారు. కాగా ఇండోర్ స్టేడియం పనులు వేగంగా పూర్తి చేయాలని, సీసీ రోడ్డు ఏర్పాటుకు కృషి చేయాలని ఎమ్మెల్యే ని కాలనీ వాసులు కోరారు. వాటిని త్వరలోనే పూర్తి చేయిస్తానని ఎమ్మెల్యే హామీ ఇచ్చారు. గతంలో వరద సమస్యతో అనేక ఇబ్బందులు ఎదుర్కొన్న తమకు శాశ్వత పరిష్కారం చూపుతున్న నేపథ్యంలో కాలనీ వాసులు హర్షం వ్యక్తం చేస్తూ ఎమ్మెల్యే కి కృతజ్ఞతలు తెలిపారు. ఈ కార్యక్రమంలో రాజేష్, ప్రహల్లాద్, రాంరెడ్డి, శ్రీనివాస్ గౌడ్, కొండల్ రెడ్డి, వీర్రెడ్డి, కృష్ణ ప్రసాద్, శివానంద్, జనార్ధన్, బాల్ రెడ్డి, భాను రెడ్డి, మహిపాల్ రెడ్డి, అనీష్, మురళీ కృష్ణ, శోభ మరియు వార్డు మెంబర్ ఇందిరా రెడ్డి, సీనియర్ నాయకులు కుంట సిద్ధిరాములు, నరేందర్ రెడ్డి, కాలే నాగేష్, కనకయ్య, కాలే గణేష్, బైరి అనిల్, దుర్గా ప్రసాద్ మరియు కాలనీ వాసులు తదితరులు పాల్గొన్నారు.