సూర్యాపేట జిల్లా తుంగతుర్తి నియోజకవర్గం, జాజిరెడ్డిగూడెం మండలం,జాజిరెడ్డిగూడెం గ్రామం ప్రజా పాలనలో భాగంగా కాంగ్రెస్ పార్టీ ప్రతిష్టాత్మకంగా చేపట్టిన అభయ హస్తం ఆరు గ్యారంటీల దరఖాస్తుల స్వీకరణ కార్యక్రమాన్ని శనివారం ఎమ్మెల్యే మందుల సామెల్ ప్రారంభించారు. ఈ సందర్భంగా ఆయన మాట్లాడుతూ అర్హులైన ప్రతి ఒక్కరూ దరఖాస్తు చేసుకోవాలన్నారు. పార్టీలకు అతీతంగా నిజమైన లబ్ధిదారులకు పథకాలు వర్తిస్తాయన్నారు. ఈ కార్యక్రమంలో కాంగ్రెస్ పార్టీ జిల్లా అధ్యక్షులు చెవిటి వెంకన్న యాదవ్, మహిళాకాంగ్రెస్ జిల్లా అధ్యక్షురాలు తిరుమలాప్రగడ అనురాధ కిషన్ రావు, స్థానిక ప్రజాప్రతినిధులు, అధికారులు, కాంగ్రెస్ పార్టీ నాయకులు, కార్యకర్తలు తదితరులు పాల్గొన్నారు.