Member of Parliament Nama Nageswara Rao is on an extensive tour of Khammam district for two days

ఎంపీ నామ పర్యటన
సాక్షిత ఉమ్మడి ఖమ్మం బ్యూరో చీఫ్:

బీఆర్ ఎస్ లోక్ సభా పక్ష నేత, ఖమ్మం పార్లమెంట్ సభ్యులు నామ నాగేశ్వరరావు ఖమ్మం జిల్లాలో రెండు రోజుల పాటు విస్తృతంగా పర్యటించనున్నారు. ఈ సందర్భంగా కూసుమంచి మండలం శివాలయం, ఖమ్మం రూరల్ మండలం తీర్దాల శ్రీ సంఘమేశ్వర స్వామి ఆలయం, వైరా మండలం స్నానాల లక్ష్మీపురం శివాలయాన్ని సందర్శించి, భక్తులతో కలసి పూజా కార్యక్రమాల్లో పాల్గొంటారు.

ఆదివారం ఆయన ఉమ్మడి ఖమ్మం జిల్లాలో పర్యటించి, పలు కార్యక్రమాల్లో పాల్గొంటారు. కల్లూరు తో పాటు మండలంలోని కప్పలబంధం, చండ్రుపట్ల , కొత్తగూడెం, జూలూరుపాడు మండలం గుండేపూడి తదితర గ్రామాల్లో పర్యటిస్తారని ఎంపీ క్యాంప్ కార్యాలయం తెలిపింది. పార్టీ నాయకులు, ప్రజా ప్రతినిధులు, కార్యకర్తలు, అభిమానులు పెద్ద ఎత్తున పాల్గొని కార్యక్రమాలను విజయవంతం చేయాలని క్యాంప్ కార్యాలయం కోరింది.