కుత్బుల్లాపూర్ నియోజక వర్గం లో కాంగ్రెస్ పార్టీ ఓటమిపై కార్యకర్తల ఆత్మీయ సమావేశాన్ని బాచుపల్లి కాంగ్రెస్ పార్టీ కార్యాలయంలో కొలను హనుమంత్ రెడ్డి ఆధ్వర్యంలో నిజాంపేట మున్సిపల్ కార్పొరేషన్ కాంగ్రెస్ పార్టీ అధ్యక్షుడు కొలన్ రాజశేఖర్ రెడ్డి అధ్యక్షతన నిర్వహించారు. ఈ కార్యక్రమంలో సీనియర్ నాయకుడు కొలన్ శ్రీనివాసరెడ్డి పాల్గొన్నారు.

అనంతరం కొలను హనుమంత్ రెడ్డి మాట్లాడుతూ ఎవరు కూడా నా ఓటమితో అధైర్పడవద్దని నా గెలుపు కోసం ప్రతి కార్యకర్త తమ శక్తి వంచన లేకుండా పనిచేశారని తెలిపారు . మనం ఇక్కడ గెలవక పోయినప్పటికీ ఇక్కడ మనము ప్రతిపక్షంగా పోరాడుతామని ప్రతి కార్యకర్తకు అండగా ఉంటామని ఏ కాంగ్రెస్ కార్యకర్త నిరుత్సాహ పడరాదన్నారు. ముఖ్యమంత్రి రేవంత్ రెడ్డి సహకారంతో ఇక్కడ మనము అభివృద్ధి సాధిస్తామని రాబోవు ఎన్నికలకు ప్రతి కార్యకర్త సిద్ధంగా ఉండాలని తెలిపారు. ఈ కార్యక్రమంలో సీనియర్ నాయకులు కార్యకర్తలు, సీనియర్ మహిళా నాయకురాలు, మహిళా కార్యకర్తలు పాల్గొన్నారు.