KCR’s birthday celebrations were grand under the auspices of the Deputy Speaker

డిప్యూటీ స్పీకర్ అధ్వర్యంలో ఘనంగా కెసిఆర్ జన్మదిన వేడుకలు

సాక్షిత : తెలంగాణా ప్రత్యేక రాష్ట్రాన్ని సాధించడంతో పాటు తెలంగాణా రాష్ట్రాన్ని దేశంలోనే అగ్రగామిగా తీర్చిదిద్దడంలో ముఖ్యమంత్రి కెసిఆర్ పాత్ర చిరస్మరనీయమని ఉప సభాపతి తీగుల్ల పద్మారావు గౌడ్ అన్నారు. సితాఫలమండీ లోని సికింద్రాబాద్ ఎం ఎల్ ఏ క్యాంపు కార్యాలయంలో ముఖ్యమంత్రి కెసిఆర్ జన్మదిన వేడుకలను ఘనంగా నిర్వహించారు. భారీ కేక్ కట్ చేయడంతో పాటు పిల్లలకు పుస్తకాల పంపిణీ, మొక్కలు నాటే కార్యక్రమం, మీ సేవ కేంద్రానికి వీల్ చైర్ అందజేయడం వంటి వివిధ కార్యక్రమాలను ఈ సందర్భంగా నిర్వహించారు.

కార్పొరేటర్లు కుమారి సామల హేమ, శ్రీమతి రాసురి సునీత, శ్రీమతి కంది శైలజ లతో పాటు తెరాస యువ నేతలు కిషోర్ కుమార్ గౌడ్, కిరణ్ కుమార్ గౌడ్, నేతలు జలంధర్ రెడ్డి, రాజ సుందర్, కరాటే రాజు , కంది నారాయణ లతో పాటు పెద్ద సంఖ్యలో నేతలు, కార్యకర్తలు ఈ కార్యక్రమంలో పాల్గొన్నారు.

చిన్నారులు కేక్ లు, మిటాయీలు అందించారు. ఇదిలా ఉండగా సికింద్రాబాద్ నియోజకవర్గం పరిధిలో డిప్యూటీ స్పీకర్ పద్మారావు గౌడ్ పిలుపు మేరకు అడ్డగుట్ట, మెట్టుగూడ, తార్నాక, సితాఫలమండీ, బౌద్దనగర్ డివిజన్లలో సీ ఏం కెసిఆర్ పుట్టిన రోజు సందర్భంగా వివిధ కార్యక్రమాలను నిర్వహించారు