సాక్షిత : కుత్బుల్లాపూర్ నియోజకవర్గం పరిధిలోని గాజులరామారంకు చెందిన సుల్తానా బేగం, పి మహేష్, పూజితలు అనారోగ్య సమస్యతో బాధపడుతున్నారు. చికిత్స చేసుకునే ఆర్థిక స్థోమత లేక ప్రభుత్వ విప్, మేడ్చల్ జిల్లా బీఆర్ఎస్ పార్టీ అధ్యక్షులు, ఎమ్మెల్సీ శంభీపూర్ రాజు ని అశ్రయించారు. స్పందించిన ఎమ్మెల్సీ ముఖ్యమంత్రి సహాయ నిధి కోసం సుల్తానా బేగంకు రూ.1 లక్ష, మహేష్ కు రూ.7 లక్షలు, గండి మైసమ్మకు చెందిన పూజిత కు రూ.2.5 లక్షల ఎల్ఓసీ లను మంజూరు చేయించారు. శంభీపూర్ కార్యాలయంలో ఈరోజు వారికి ఎల్ఓసీ లను అందజేశారు. ఈ కార్యక్రమంలో ప్రజాప్రతినిధులు, పార్టీ శ్రేణులు, ప్రజలు తదితరులు పాల్గొన్నారు.