శంకర్‌పల్లి: శంకర్‌పల్లి మండల పరిధిలోని చందిప్ప గ్రామ శివారులో గల 11 వ శతాబ్దానికి చెందిన మరకత శివాలయానికి విరాళాలు రావడం సంతోషంగా ఉందని ఆల్ ఇండియా ప్రచార కమిటీ చైర్మన్ దయాకర్ రాజు అన్నారు. హైదరాబాద్ కు చెందిన ప్రముఖ వ్యాపారస్తుడు సుధీర్ జైన్ ఆలయానికి రూ. లక్ష 111 విరాళం అందజేశారు. ఈ సందర్భంగా సుధీర్ జైన్ స్వామి వారిని దర్శించుకుని తీర్థ,ప్రసాదాలు స్వీకరించారు. ఆల్ ఇండియా కమిటీ చైర్మన్ దయాకర్ రాజు… సుధీర్ జైన్ కు శేష వస్త్రంతో సత్కరించి, స్వామి వారి చిత్రపటాన్ని బహుకరించారు. అనంతరం దయాకర్ రాజు మాట్లాడుతూ దాతల సహకారం మరువలేదన్నారు. సుధీర్ జైన్ మాట్లాడుతూ మరకత శివాలయాన్ని దర్శించుకోవడం ఎంతో అనుభూతిని ఇచ్చిందని తెలిపారు. ఆలయానికి విరాళాలు ఇవ్వడానికి దాతలు ముందుకు రావాలని పిలుపునిచ్చారు. కార్యక్రమంలో ఆలయ చైర్మన్ సదానందం గౌడ్, అడ్డు సంతోష్ యాదవ్, గోవర్ధన్ రెడ్డి పాల్గొన్నారు.