సాక్షిత సికింద్రాబాద్ : అన్ని మతాలు, కులాల ప్రజల సహజీవనానికి తెలంగాణా ప్రాంతం ప్రతీకగా నిలుస్తుందని డిప్యూటీ స్పీకర్ తీగుల్ల పద్మారావు గౌడ్ అన్నారు. సికింద్రాబాద్ నియోజకవర్గంలో అంబర్ నగర్ చిల్లా, వారసిగుడా ప్రాంతాల్లో మొహర్రం ను పురస్కరించుకొని షర్బత్ పంపిణీ శిబిరాల్లో డిప్యూటీ స్పీకర్ పద్మారావు గౌడ్ పాల్గొని, షర్బత్ ను పంపిణీ చేశారు. ఈ సందర్భంగా మాట్లాడుతూ ముస్లింలు సంప్రదాయాలను తాము సంపూర్ణంగా గౌరవిస్తామని పద్మారావు గౌడ్ పేర్కొన్నారు. స్థానిక నిర్వాహకులతో పాటు మైనారిటీ సంఘాల నేతలు పాల్గొన్నారు.