ఈ నెల 22న కుత్బుల్లాపూర్ నియోజకవర్గంలో “మెగా జాబ్ మేళా”…
పాల్గొననున్న 100కు పైగా కంపెనీలు.. 10 వేలకు పైగా ఉద్యోగావకాశాలు…
వాల్ పోస్టర్ ను ఆవిష్కరించిన మంత్రి శ్రీనివాస్ గౌడ్, ఎమ్మెల్యే కేపి వివేకానంద్…

సాక్షిత : టీఎస్ స్టెప్ ( తెలంగాణ స్టేట్ సొసైటీ ఫర్ ట్రైనింగ్ & ఎంప్లాయిమెంట్ ప్రమోషన్ ) ఆధ్వర్యంలో కుత్బుల్లాపూర్ నియోజకవర్గం పరిధిలోని కుత్బుల్లాపూర్ మున్సిపల్ గ్రౌండ్ వద్ద ఈ నెల 22వ తేదీన ఉదయం 10:00 గంటల నుండి సాయంత్రం 6:00 గంటల వరకు నిర్వహించనున్న “మెగా జాబ్ మేళా” వాల్ పోస్టర్ ను కుత్బుల్లాపూర్ ఎమ్మెల్యే కేపి వివేకానంద్ తెలంగాణ రాష్ట్ర నూతన సెక్రటేరియట్ లో మంత్రి శ్రీనివాస్ గౌడ్ ఛాంబర్ లో వారి చేతుల మీదుగా ఆవిష్కరించారు. ఈ సందర్భంగా 100కు పైగా కంపెనీలు పాల్గొని.. 10 వేలకు పైగా ఉద్యోగావకాశాలు ఉన్న నేపథ్యంలో నిరుద్యోగ యువత ఈ సువర్ణ అవకాశాన్ని తప్పక సద్వినియోగం చేసుకోవాలని వారు సూచించారు. మరిన్ని వివరాలకు చింతల్ లోని ఎమ్మెల్యే కార్యాలయంను సంప్రదించవచ్చు. ఈ కార్యక్రమంలో కుత్బుల్లాపూర్ నియోజకవర్గ నాయకులు తదితరులు పాల్గొన్నారు.