ఈ నెల 14న సత్యాగ్రహ సభ:- మీడియాతో రామ్మోహన్ రెడ్డి

వికారాబాద్:-

సీఎల్పీ నేత మల్లు భట్టి విక్రమార్క చేపడుతున్న పీపుల్స్ మార్చ్ పాదయాత్రలో భాగంగా మంచిర్యాల జై భారత్ సత్యాగ్రహ మహాసభను విజయవంతం చేయాలని కాంగ్రెస్ పార్టీ వికారాబాద్ జిల్లా అధ్యక్షుడు,మాజీ ఎమ్మెల్యే రామ్మోహన్ రెడ్డి పిలుపునిచ్చారు.బుధవారం జిల్లా కేంద్రంలో మీడియా సమావేశంలో మాట్లాడుతూ రాహుల్ గాంధీ పై అనర్హత వేటు పై నిరసనగా ఈ నెల 14 వ తేదీన మంచిర్యాల జిల్లా కేంద్రంలో హాథ్ సే హాథ్ జోడో పీపుల్స్ మార్చ్ పాదయాత్ర చేస్తున్న తెలంగాణ రాష్ట్ర శాసనసభ పక్ష నేత మధిర శాసన సభ్యులు మల్లు భట్టివిక్రమార్క, ఆధ్వర్యంలో జై భారత్ సత్యాగ్రహ దీక్ష చేపట్టడం జరుగుతుందన్నారు. అనంతరం సాయంత్రం భారీ బహిరంగ సభను నిర్వహించనున్నట్లు తెలిపారు. ఈ యొక్క సత్యాగ్రహ దీక్ష కు ముఖ్య అతిథులుగా ఏఐసీసీ జాతీయ అధ్యక్షులు మల్లిఖార్జున్ ఖర్గే , రాజస్థాన్ ముఖ్యమంత్రి అశోక్ గెహ్లట్ ,కెసి వేణుగోపాల్ , ముకుల్ వాస్నిక్ తెలంగాణ ప్రదేశ్ కాంగ్రెస్ పార్టీ అధ్యక్షులు ఎంపి శ్రీ రేవంత్ రెడ్డి తెలంగాణ కాంగ్రెస్ పార్టీ ఇంచార్జీ మాణిక్ రావు ఠాక్రే , రోహిత్ చౌదరి ,నదీమ్ జావేద్ తెలంగాణ రాష్ట కాంగ్రెస్ పార్టీ ముఖ్య నాయకులు పాల్గొననున్నారని తెలిపారు.