కూసుకుంట్ల నామినేషన్

బంగారిగడ్డ నుంచి చండూరు వరకు భారీ ర్యాలీ

హాజరుకానున్న మంత్రి కేటీఆర్‌, తమ్మినేని, కూనంనేని

మునుగోడు: సీపీఎం, సీపీఐ బలపరిచిన టీఆర్‌ఎస్‌ ( బీఆర్‌ఎస్‌ ) మునుగోడు నియోజకవర్గ అభ్యర్థి కూసుకుంట్ల ప్రభాకర్‌రెడ్డి గురువారం నామినేషన్‌ దాఖలు చేయనున్నారు. ఈ సందర్భంగా చండూరు మండలంలోని బంగారిగడ్డ నుంచి చండూరు పట్టణం వరకు భారీ ర్యాలీ నిర్వహించనున్నారు. ఈ కార్యక్రమానికి ముఖ్య అతిథిగా టీఆర్‌ఎస్‌ వర్కింగ్‌ ప్రెసిడెంట్‌, మంత్రి కేటీఆర్‌ హాజరుకానున్నారు. సీపీఎం రాష్ట్ర కార్యదర్శి తమ్మినేని వీరభద్రం, సీపీఐ రాష్ట్ర కార్యదర్శి కూనంనేని సాంబశివరావుతో పాటు మంత్రులు, ఎమ్మెల్యేలు, ఇతర ప్రజాప్రతినిధుల పెద్ద ఎత్తున పాల్గొననున్నారు. మునుగోడుకు ఉపఎన్నిక ఎందుకు వచ్చింది? ఎవరి కోసం వచ్చిందో..? ర్యాలీలో నేతలు వివరించనున్నారు. బీఆర్‌ఎస్‌తోపాటు సీపీఎం, సీపీఐ శ్రేణులు కూడా పెద్ద ఎత్తున తరలిరానున్నాయి.