ముత్యాల ముగ్గుల పోటీలను శంకర్‌పల్లి మండల కేంద్రంలోని రేవతి హై స్కూల్ లో కాంగ్రెస్ పార్టీ ఆధ్వర్యంలో ముందస్తు సంక్రాంతి సంబరాల్లో భాగంగా నిర్వహించారు. ఈ ముగ్గుల పోటీలకు ముఖ్యఅతిథిగా చేవెళ్ల నియోజక వర్గం ఇన్చార్జి పామెన భీంభరత్ సతీమణి జ్యోతి హాజరయ్యారు. ఈ సందర్భంగా ఆమె పోటీల్లో గెలుపొందిన మహిళలకు బహుమతులు అందజేశారు. మొదటి బహుమతి దీపా మహాలింగాపురం రూ.3వేల నగదు, రెండవ బహుమతి భాగ్యలక్ష్మి సింగాపురం కు రూ.2వేలు, మూడవ బహుమతి రాజేశ్వరి శంకర్‌పల్లి కి రూ. వెయ్యి నగదు అందజేశారు. కార్యక్రమంలో చేవెళ్ల గ్రామ సర్పంచ్ శైలజ రెడ్డి, చేవెళ్ల మండల కాంగ్రెస్ పార్టీ అధ్యక్షురాలు దేవర సమత వెంకట్ రెడ్డి, నాయకులు ఉదయ్ మోహన్ రెడ్డి, జనార్దన్ రెడ్డి, రవీందర్ రెడ్డి, ఇజాస్, అనంత్ రెడ్డి, ప్రశాంత్, శ్రీకాంత్, శంకర్, మహబూబ్ హుస్సేన్, మల్లికార్జున్, మోసిన్, సుధాకర్ రెడ్డి, అస్లాం, షారు, వెంకట్ పాల్గొన్నారు.