Youth should excel in the field of sports along with education

యువత విద్యతో పాటు క్రీడా రంగంలో రాణించాలి

మంథని ప్రభుత్వ జూనియర్ కళాశాల మైదానంలో సంక్రాంతి సందర్భంగా మంథని నియోజకవర్గ స్థాయి శ్రీపాద కప్ క్రికెట్ టోర్నమెంట్ ను ప్రారంభించడానికి వస్తున్న సందర్భంగా ఆదివారం సూరయ్య పల్లి క్రాస్ రోడ్ నుండి బైక్ ర్యాలీతో దుద్దిళ్ల శ్రీను బాబు కు కాంగ్రెస్ నాయకులు ఘన స్వాగతం పలికారు.
ఈ క్రమంలో ఆంధ్రప్రదేశ్ మాజీ స్పీకర్ స్వర్గీయ శ్రీపాద రావు, భారత రాజ్యాంగ నిర్మాత డాక్టర్ బాబాసాహెబ్ అంబేద్కర్ విగ్రహాలకి పూలమాలవేసి, కళాశాల మైదానంలోకి చేరుకొని, క్రీడాకారులను పరిచయం చేసుకొని, మొదటగా బ్యాటింగ్ చేసి క్రీడాకారుల్లో ఉత్సాహం నింపి, క్రికెట్ టోర్నమెంట్ ను దుద్దిళ్ళ శ్రీను బాబు ప్రారంభించారు.
ఈ కార్యక్రమంలో స్వర్గీయ శ్రీపాద రావు చిత్రపటానికి మంథని మున్సిపల్ కౌన్సిలర్ పేండ్రు రమాదేవి జ్యోతి ప్రజ్వలన చేశారు.
అనంతరం ఇటీవల మృతి చెందిన కాంగ్రెస్ పార్టీ సీనియర్ నాయకులు జక్కర్ల శంకర్ గౌడ్, బయ్యాపు శంకర్, పుల్లూరి రాజేశ్వరరావు ల చిత్రపటాలకు దుద్దిళ్ల శ్రీను బాబు మరియు కాంగ్రెస్ నాయకులు పూలమాలవేసి నివాళులర్పించారు.
ఈ కార్యక్రమంలో కాంగ్రెస్ పార్టీ నాయకులు, కార్యకర్తలు, క్రీడాకారులు, క్రీడాభిమానులు, తదితరులు పాల్గొన్నారు.