సాక్షిత ఉమ్మడి ఖమ్మం బ్యూరో చీఫ్ :
అంతర్జాతీయ మహిళా దినోత్సవాన్ని పురస్కరించుకుని నగరంలోని ఎస్ఆర్ కన్వెన్షన్ హాల్లో ఈనెల ఏడవ తేదీన ఉదయం పది గంటలకు మహిళాదినోత్సవ వేడుకలను నిర్వహించనున్నారు. కాంగ్రెస్ పార్టీ అనుబంధ సంఘం శక్తి సూపర్ షీ జిల్లా కోఆర్డినేటర్ హారిక నాయుడు ఆధ్వర్యంలో ఈ వేడుకలు జరగనున్నాయి. ఈ మేరకు ఆమె ఓ ప్రకటన విడుదల చేశారు. వేడుకల్లో భాగంగా మహిళామణులకు ప్రత్యేక సాంస్కృతిక కార్యక్రమాలను ఏర్పాటు చేసినట్లు తెలిపారు. జిల్లాలోని కాంగ్రెస్ పార్టీ మహిళా నేతలు, కార్యకర్తలు, అభిమానులు అధికసంఖ్యలో పాల్గొని జయప్రదం చేయాలని ఆమె కోరారు.