నకిలీ విత్తనాలు అమ్మితే కఠిన చర్యలు – ఎస్సై ధర్మ

చిట్యాల సాక్షిత ప్రతినిధి

నకిలీ విత్తనాలు అమ్మితే కఠిన చర్యలు తీసుకుంటామని చిట్యాల ఎస్.ఐ ఎన్. ధర్మ తెలిపారు. రైతులకు నకిలీ విత్తనాల నిర్మూలనే లక్ష్యంగా జిల్లా ఎస్పీ అపూర్వరావు ఆదేశాలతో ఎస్. ఐ ఎన్.ధర్మ మండల వ్యవసాయ అధికారి గిరిబాబు తో కలిసి విత్తనాలు అమ్మే పలు షాపులను తనిఖీ చేశారు. అందులో భాగంగా రఘురామా ట్రేడర్స్ లో విత్తనాల తనిఖీ చేశారు. ఈ సందర్భంగా ఎస్.ఐ ధర్మ మాట్లాడుతూ నకిలీ విత్తనాలు అమ్మిన వారిపై కఠిన చర్యలు ఉంటాయని డీలర్లను హెచ్చరించడం జరిగింది. ఈరోజు నుండి ఎవరైనా నకిలీ విత్తనాలు వేరే ప్రదేశాల నుండి తీసుకువచ్చి రైతులకు అమ్మినచో చర్యలు తీవ్రంగా ఉంటాయని హెచ్చరించడం జరిగింది. ఈ సందర్భంగా చిట్యాల మండలంలోని రైతులందరూ కూడా ఎట్టి పరిస్థితులలో ఎవరైనా తక్కువ ధరలలో ప్యాక్ చేయని లూజు విత్తనాలు అమ్మినట్లయితే మోసపోకుండా మండల వ్యవసాయ అధికారికి గాని చిట్యాల పోలీసు వారికి గాని వెంటనే తెలియజేయాలని అన్నారు. ఈ వాన కాలంలో చిట్యాల మండలంలో రైతులందరికీ 100 శాతం నాణ్యమైన విత్తనాలను అందే విధంగా చర్యలు తీసుకోవ డానికి వ్యవసాయ శాఖ అధికారులు పోలీస్ యంత్రాంగంతో జత కలిసి పనిచేయడం జరుగుతుందని అన్నారు.