జగన్,చంద్రబాబు,పవన్ కి చేతకాకపోతే ప్రత్యేక హోదా

జగన్,చంద్రబాబు,పవన్ కి చేతకాకపోతే ప్రత్యేక హోదా కోసం మేమే మోడీ ప్రభుత్వం మెడలు వంచుతాం-నవతరంపార్టీ జాతీయ అధ్యక్షుడు రావుసుబ్రహ్మణ్యం.

విభజన హామీలు, ప్రత్యేక హోదా-రాయతీలు సాధించే క్రమంలో భావితరాల భవిష్యత్తుకి మార్గదర్శకత్వం అవసరమైన ఈ సమయంలో ముఖ్యమంత్రి జగన్మోహన్ రెడ్డికి చేతకాకపోతే మనమే మోడీ ప్రభుత్వం మెడలు వంచి ప్రత్యేక హోదా సాధించుకుందామని నవతరంపార్టీ జాతీయ అధ్యక్షుడు రావుసుబ్రహ్మణ్యం పిలుపునిచ్చారు.ప్రత్యేక హోదా విభజన హామీల సాధన సమితి నిర్వహిస్తున్న రౌండ్ టేబుల్ సమావేశంలో హక్కుల సాధన అవసరమని భావించే భావసారూప్యత ఉన్న అన్ని రాజకీయ పార్టీలు, ప్రజాసంఘాలు, ఉద్యమ సంఘాలు, విద్యార్థి సంఘాలు, కార్మిక సంఘాలు అన్ని సంస్థలు ఉద్యమ కార్యాచరణపై నిర్దిష్టమైన సూచనలు, సలహాలు ఇచ్చి ఉద్యమం ఉవ్వెత్తున జరిగేలా ముందుకు రావాలని విజ్ఞప్తి చేశారు. ఆంధ్రప్రదేశ్ హక్కులు ఆత్మగౌరవ సాధన మలిదశ పోరాటంలో భాగస్వాములు కావాలని కోరారు.జనవరి 20వ తారీఖున(2024) ఉదయం 10 గంటలకు విజయవాడ MB భవన్లో జరిగిన రౌండ్ టేబుల్ సమావేశానికి చలసాని శ్రీనివాస్ అధ్యక్షత వహించారు.

సమావేశంలో నేతలు కామ్రేడ్ కే.రామకృష్ణ CPI రాష్ట్ర కార్యదర్శి, కామ్రేడ్ వి. శ్రీనివాసరావు CPI(M) రాష్ట్ర కార్యదర్శి, వి.వి. లక్ష్మీనారాయణ (జేడి),పోతిన రామారావు, జై భారత్ నేషనల్ పార్టీ అద్యక్షులు,తెలుగుసేన పార్టీ అధ్యక్షులు సత్యారెడ్డి,నవతరంపార్టీ నేతలు వై కృష్ణ కిషోర్ శర్మ, షేక్ రజాక్,కాంగ్రెస్ పార్టీ వర్కింగ్ ప్రెసిడెంట్ సుంకర పద్మశ్రీ, ఆప్ జి ఫణిరాజ్ ,కందుల పరమేశ్వరరావు,కాంగ్రెస్ నేత నరసింహారావు,ఏ ఐ వై ఎఫ్ సుభాని, ఇతర పక్షాల నేతలు, ప్రజాసంఘాలు, ఇతర పెద్దలు, ఉద్యమ నేతలు హాజరు అయ్యారు.