శ్రీ రాముడి ఆదర్శాలు అందరికీ అనుసరనీయాలని సికింద్రాబాద్ శాసనసభ్యుడు, మాజీ డిప్యూటీ స్పీకర్ తీగుళ్ళ పద్మారావు గౌడ్ అన్నారు.
సాక్షిత ; అయోధ్యలో శ్రీరామ విగ్రహ ప్రాణ ప్రతిస్థాపన ను పురస్కరించుకొని సికింద్రాబాద్ లోని పాట్ మార్కెట్ లో శ్రీ రామ్ యువ సేన ఆద్వర్యంలో భారీ శోభా యాత్ర జరిగింది. ఈ శోభా యాత్రను పద్మారావు గౌడ్ ప్రారంభించి దానిలో పాల్గొన్నారు. మోండా మార్కెట్, అశోక్ నగర్ తదితర ప్రాంతాల్లో ఈ శోభా యాత్రలో పద్మారావు గౌడ్ పాల్గొన్నారు. రాజకీయాలు, కుల మతాలకు అతీతంగా ప్రజలందరూ శ్రీ రాముడి ని కీర్తించాలని పద్మారావు గౌడ్ పేర్కొన్నారు. సంఘం నేత నేమీచంద్ తదితరులు పాల్గొన్నారు.
