శంకర్‌పల్లి: ప్రభుత్వ అధికారులు చేయాల్సిన పని యువకులు చేస్తున్నారు. శంకర్‌పల్లి మండల పరిధిలోని పర్వేద గ్రామ శివారు మూలమలుపు దగ్గర తరచూ ప్రమాదాలు జరుగుతున్నాయి. తరచూ ఈ రోడ్డుపై కంకర టిప్పర్ లు తిరుగుతుండడంతో లారీలో నుండి కంకర రోడ్డుపై పడడంతో రెండు రోజులుగా ప్రమాదాలు జరుగుతున్నాయి. అది చూసిన పర్వేద గ్రామ యువకుడు రవీందర్ చూడలేక సోమవారం చీపురుతో శుభపరిచాడు. ప్రభుత్వంకి ఎన్నోసార్లు మొరపెట్టుకున్నా.. రోడ్డు బాగు చేయమని అడిగిన.. రోడ్ల భవనాల శాఖ ఆర్ అండ్ బి అధికారులు, ప్రజా ప్రతినిధులు ఎవరు పట్టించుకోకపోవడం విడ్డూరంగా ఉందన్నారు. వెంటనే స్పందించాలని, ప్రభుత్వ అధికారులను నాయకులను రవీందర్ కోరుతున్నాడు.