హైదర్ నగర్ డివిజన్ పరిధిలోని హైదర్ నగర్ లో రంజాన్ పర్వదిన సందర్భంగా ఈద్గా వద్ద జరుగుతున్న ఏర్పాట్లను ఈద్గా కమిటీ సభ్యులతో కలిసి పరిశీలించిన హైదర్ నగర్ డివిజన్ కార్పొరేటర్ నార్నె శ్రీనివాస రావు .

ఈ సందర్భంగా కార్పొరేటర్ నార్నె శ్రీనివాస రావు మాట్లాడుతూ రంజాన్ మాసాన్ని పురస్కరించుకుని నెల రోజులుగా ఉపవాసాలు ఉన్న ముస్లింలు సామరస్య భావాలకు, సమున్నత జీవన విధానానికి ప్రతీకగా, పరస్పర ప్రేమ, శాంతి, సహనాన్ని ప్రబోధించిన రోజుగా భావించే ఈద్-ఉల్-ఫితర్ సందర్భంగా సామూహికంగా ప్రశాంత వాతావరణంలో ప్రత్యేక ప్రార్థనలు నిర్వహించుకునేందుకు వీలుగా అవసరమైన అన్ని ఏర్పాట్లు చేస్తున్నట్లు కార్పొరేటర్ నార్నె శ్రీనివాస రావు తెలిపారు. ఈద్గా ఆవరణలో మంచినీళ్ళతో పాటు షామియానాలు ఏర్పాటు చేస్తున్నామని ఈ సందర్భంగా కార్పొరేటర్ నార్నె శ్రీనివాస రావు తెలియజేశారు.

ఈ కార్యక్రమంలో ముస్లిం సోదరులు షరీఫ్, హమీద్, హాబీబ్, ఫిరోజ్ ఖాన్, కలీం, జమీరుద్దీన్, ఫసిఉద్దీన్, రహమాన్, ఇమ్రాన్ తదితరులు పాల్గొన్నారు.