నల్లపాడు సిఐ పై సస్పెన్షన్ వేటు

నల్లపాడు స్టేషన్ సీఐ రాంబాబు పై సస్పెన్షన్ వేటు పడింది.
గుంటూరు మండలం వెంగలాయ పాలెం గ్రామంలోని ఓ స్థలం వివాదం నేపథ్యంలో ఒక వర్గం వారు ఇటీవల జిల్లా ఎస్పీకి ఫిర్యాదు చేశారు. అనంతరం అతనిపై ఉన్నతాధికారులు విచారణ చేశారు. ఒక వర్గానికి అనుకూలంగా వ్యవహరిస్తున్నారని ఆరోపణలపై అధికారుల నివేదిక మేరకు ఐజి పాల రాజు సస్పెండ్ చేశారు. ఎన్నికల సమయంలో చోటుచేసుకున్న ఈ విషయంపై పోలీసు వర్గాల్లో తీవ్ర చర్చ జరుగుతుంది. వివాదాలకు దూరంగా ఉండే సీఐపై సస్పెన్షన్ వేటు బాధా కరమని స్టేషన్ సిబ్బందిలో ఆందోళన వ్యక్తం చేస్తున్నట్లు సమాచారం.