-ఉత్సవాల అన్నప్రసాద కార్యక్రమాన్ని ప్రారంభించిన ఎమ్మెల్యే నాని…

-స్వామి వారి ఆశీస్సులతో ప్రజలందరూ సుభిక్షంగా ఉండాలని ఆకాంక్షించిన ఎమ్మెల్యే కొడాలి నాని…

గుడివాడ :గుడివాడ పాత మున్సిపల్ కార్యాలయ సెంటర్లోని శ్రీ కోదండ రామాలయంలో ధనుర్మాస మహోత్సవాలు విజయవంతంగా ముగిశాయి. ముగింపు కార్యక్రమంలో ఎమ్మెల్యే కొడాలి నాని పాల్గొని స్వామి వారికి పూజా కార్యక్రమాలు నిర్వహించారు. అనంతరం కమిటీ సభ్యులతో కలిసి అన్న ప్రసాద కార్యక్రమాన్ని ఎమ్మెల్యే నాని ప్రారంభించారు. గత 79 ఏళ్లుగా శ్రీ కోదండ రామాలయంలో ధనుర్మాస ఉత్సవాలు ఎంతో వైభవంగా జరుగుతున్నాయని, ఈ ఏడాది జరిగిన ఉత్సవ ముగింపు వేడుకల్లో పాల్గొనడం సంతోషకరమని ఎమ్మెల్యే కొడాలి నాని హర్షం వ్యక్తం చేశారు.

స్వామి వారి ఆశీస్సులతో ప్రజలందరూ సుభిక్షంగా ఉండాలని ఆయన ఆకాంక్షించారు. ఉత్సవ ముగింపు కార్యక్రమంలో దేవస్థాన అధ్యక్షుడు డొక్కు రాంబాబు, భక్తులు దారపురెడ్డి వెంకన్న, అంకెం శ్రీరామ్, అంకెం సీతారాం, పట్టణ వైసీపీ అధ్యక్షుడు గొర్ల శ్రీను, వైసిపి నాయకులు పంచకర్ల వెంకట్, సయ్యద్ గఫార్, కందుల నాగరాజు పెద్ద సంఖ్యలో భక్తులు పాల్గొన్నారు