sakshitha
సాక్షిత శంకర్‌పల్లి: చేవెళ్ల గడ్డపై బిజెపి బలపరిచిన అభ్యర్థి కొండా విశ్వేశ్వర్ రెడ్డిని భారీ మెజార్టీతో గెలిపించుకోవాలని శంకర్‌పల్లి మండల మహాలింగాపురం గ్రామానికి చెందిన బిజెపి సీనియర్ నాయకులు గండు రవీందర్ రెడ్డి అన్నారు. ఈ సందర్భంగా రవీందర్ రెడ్డి చేవెళ్ల ఎంపీ అభ్యర్థి కొండా విశ్వేశ్వర్ రెడ్డిని మర్యాదపూర్వకంగా కలిశారు. ఈ సందర్భంగా రవీందర్ రెడ్డి మాట్లాడుతూ కొండా విశ్వేశ్వర్ రెడ్డి అవసరం ప్రజలకు ఎంతో ఉందని, తన ఫౌండేషన్ ఆధ్వర్యంలో ఎంతో మంది పేదలకు చెక్కుల పంపిణీ, ఎగ్జామ్ ప్యాడ్స్ వంటి సేవలు ఎన్నో చేస్తున్నారని అన్నారు. కేంద్రంలో
అధికారంలోకి వచ్చేది బీజేపీ ప్రభుత్వమేనని, చేవెళ్ల ఎంపీ స్థానాన్ని బీజేపీ కైవసం చేసుకోవడం, కొండ విశ్వేశ్వర్ రెడ్డి గెలుపు ఖాయమని, రవీందర్ రెడ్డి ధీమా వ్యక్తం చేశారు.
