హిందీ భాషను తప్పనిసరి చేయడం సరికాదు:కేటీఆర్
సాక్షిత హైదరాబాద్‌: ఐఐటీతో పాటు కేంద్ర ప్రభుత్వ ఉద్యోగ ప్రవేశపత్రాలను తప్పనిసరిగా హిందీలోనే ఇస్తున్నారని.. ఇది ప్రజాస్వామ్య స్ఫూర్తిని దెబ్బతీస్తోందని తెలంగాణ మంత్రి కేటీఆర్‌ ఆగ్రహం వ్యక్తం చేశారు.ఈ మేరకు ఆయన ట్వీట్‌ చేశారు.
ఇప్పటి వరకు జాతీయ భాష అంటూ ఏదీ లేదని.. చాలా అధికారిక భాషల్లాగే హిందీ సైతం ఓ అధికారిక భాషేనని కేటీఆర్‌ పేర్కొన్నారు. భాషను ఎంచుకునే హక్కు భారతీయులకు ఉండాలన్నారు. ఐఐటీలు, కేంద్ర ప్రభుత్వ నియామకాల్లో హిందీ భాషను తప్పనిసరి చేయడాన్ని వ్యతిరేకిస్తున్నట్లు చెప్పారు