శంకర్‌పల్లి: ఫిబ్రవరి 14: ( సాక్షిత న్యూస్): శంకర్‌పల్లి మండల పరిధిలోని ఎల్వెర్తి గ్రామ ప్రభుత్వ ప్రాథమిక పాఠశాలలో బుధవారం వసంత పంచమి వేడుకలు ఘనంగా జరిగాయి. ఈ సందర్భంగా పాఠశాల ప్రధానోపాధ్యాయురాలు శాంతి.. సరస్వతి మాత చిత్రపటానికి పూలమాలలు వేశారు. అనంతరం ఆమె మాట్లాడుతూ సరస్వతి దేవి అమ్మవారి కరుణాకటాక్షాలు ప్రతి విద్యార్థి పై ఉండాలని, చదువులో బాగా రాణించాలని కోరుకున్నారు. కార్యక్రమంలో ఉపాధ్యాయులు పద్మ, పద్మజా రెడ్డి ఉన్నారు.