sakshitha
టీటీడీ చైర్మన్‌గా బొల్లినేని రాజగోపాల్ నాయుడు ప్రమాణం
మర్యాదపూర్వకంగా కలిసి శుభాకాంక్షలు తెలిపిన నందిగామ ఎమ్మెల్యే తంగిరాల సౌమ్య
తిరుమల – టీటీడీ నూతన పాలకమండలి కొత్త అధ్యక్షుడు బీఆర్‌ నాయుడు, 17 మంది సభ్యులు శ్రీవారి ఆలయంలోని రంగనాయకుల మండపంలో వారు బాధ్యతలు స్వీకరించారు. ఎక్స్‌ అఫిషియో సభ్యుడిగా ఎండోమెంట్‌ కమిషనర్‌ సత్యనారాయణ కూడా బాధ్యతలు స్వీకరించారు. ఎన్టీఆర్ జిల్లా నందిగామ ఎమ్మెల్యే శ్రీమతి తంగిరాల సౌమ్య టీటీడీ ఛైర్మన్ బొల్లినేని రాజగోపాల్ నాయుడు ని మర్యాదపూర్వకంగా కలిసి పుష్పగుచ్చం అందజేసి శుభాకాంక్షలు తెలియజేసారు. నూతన బోర్డులో టీడీపీ నుంచి ముగ్గురు ఎమ్మెల్యేలు సభ్యులుగా నియమితులయ్యారు. జ్యోతుల నెహ్రు(జగ్గంపేట), వేమిరెడ్డి ప్రశాంతిరెడ్డి(కోవూరు) ఎంఎస్‌ రాజు(మడకశిర) స్థానం దక్కించుకున్నారు. నూతన బోర్డులో సభ్యులుగా నియమితులైన ఎం.ఎస్. రాజు కూడా ఎమ్మెల్యే తంగిరాల సౌమ్య మర్యాదపూర్వకంగా కలిసి శుభాకాంక్షలు తెలియజేసారు.
అనంతరం తంగిరాల సౌమ్య వారి కుటుంబ సభ్యులతో శ్రీవారిని దర్శించుకున్నారు. తర్వాత రంగనాయకుల మండపంలో పండితులు వేద ఆశీర్వచనం చేశారు. అధికారులు వారికి పట్టు వస్త్రాలతో సత్కరించి తీర్థప్రసాదాలు అందజేసారు.
