పరీక్షకు ఆలస్యంగా.. విద్యార్థిని కన్నీటి పర్యంతం

ప్రకాశం : యర్రగొండపాలెంలోని సాధన జూనియర్ కాలేజీలోని పరీక్ష కేంద్రానికి 20నిమిషాలు ఆలస్యంగా వచ్చిన ఇద్దరు విద్యార్థులను పరీక్ష కేంద్రంలోకి అధికారులు అనుమతించలేదు. స్థానిక ఆదిత్య ఒకేషనల్ జూనియర్ కాలేజ్ విద్యార్థులు ఆలస్యంగా రావటంతో వారిద్దరిని పరీక్ష కేంద్రంలోనికి రానీయకుండా అధికారులు తిప్పిపంపారు. దీంతో ఓ విద్యార్థిని అక్కడే కన్నీటి పర్యంతమైంది. పోలీసులు ఆ విద్యార్థినిని ఓదార్చి అక్కడ నుండి పంపించి వేశారు.