sakshitha
మంచిర్యాల మున్సిపాలిటీ పరిధిలోని 5 వార్డ్ లో కంటి వెలుగు శిబిరాన్ని ప్రారంభించిన ఎమ్మెల్యే నడిపెల్లి దివాకర్ రావు .
సాక్షిత : తెలంగాణ రాష్ట్ర ప్రభుత్వం ప్రతిష్టాత్మకంగా చేపట్టిన రెండో విడత కంటి వెలుగు శిబిరాన్ని మంచిర్యాల నియోజకవర్గంలోని మంచిర్యాల మున్సిపాలిటీ పరిధిలోని 5 వార్డ్ సాయి కుంట లో *ఎమ్మెల్యే నడిపెల్లి దివాకర్ రావు * ప్రారంభించారు.
ప్రతి ఒక్కరూ నయనానందకరంగా ఉండాలన్నది రాష్ట్ర ప్రభుత్వం, ముఖ్యమంత్రి కేసీఆర్ ధ్యేయమని ఎమ్మెల్యే నడిపెల్లి దివాకర్ రావు పేర్కొన్నారు. ప్రతి ఒక్కరికి కంటి చూపు సమస్యలు లేకుండా చేయాలన్నదే లక్ష్యమన్నారు. ప్రతి ఒక్కరూ ఈ కార్యక్రమాన్ని సద్వినియోగం చేసుకోవాలని సూచించారు. ప్రస్తుతం ఉన్న వాతావరణ పరిస్థితులు, మనం తినే రసాయన ఎరువులతో కూడుకున్న ఆహార పదార్థాల వల్ల కంటి సమస్యలు ఎదురయ్యే అవకాశం ఉన్నందున ప్రతి ఒక్కరు పరీక్షలు చేయించుకోవాలని ఎమ్మెల్యే నడిపెల్లి దివాకర్ రావు పిలుపునిచ్చారు.
