Christmas celebrations in Lakshmipuram in a peaceful atmosphere

లక్ష్మీపురంలో ప్రశాంత వాతావరణంలో క్రిస్మస్ వేడుకలు
ఏసు క్రీస్తు అందరికి ప్రభువు:- పాస్టర్ ఎ.రవీంద్ర రెడ్డి

శ్రీకాకుళం జిల్లా లావేరు మండలం లక్ష్మీపురం గ్రామంలో చర్చ్ ఆవరణంలో ఘనంగా క్రిస్మస్ వేడుకలు ప్రారంభమయ్యాయి.క్రైస్తవ గీతాలతో ఆనంద భరిత వాతావరణంలో,కొవ్వొత్తుల కాంతులలో అత్యంత వైభవంగా క్రిస్మస్‌ వేడుకలు నిర్వహించారు.ఈ కార్యక్రమంలో చర్చ్ పాస్టర్ ఎ.రవీంద్ర రెడ్డి,ప్రసంగికులు శైలస్,మాట్లాడుతూ ఏసుక్రీస్తు ఎప్పుడూ ప్రేమను,కరుణను,క్షమించే గుణం ను కలిగి ఉండాలని బోధించారని తెలిపారు.

ప్రతి ఒక్కరూ క్షమా గుణంతో సర్వ ప్రాణులను ప్రేమిస్తే యావత్ ప్రపంచం సుఖఃశాంతులతో ఉంటుందని,ఏసుక్రీస్తు దేవుని పుట్టకని,యేసుక్రీస్తు లోకానికి శాంతి మార్గాన్ని చూపారని,క్రైస్తవులందరూ సుఖ సంతోషాలతో,భక్తిశ్రద్ధలతో జరుపుకునే పండుగ క్రిస్మస్ అన్నారు.అనంతరం క్రిస్మస్ కేక్ కట్ చేసి శుభాకాంక్షలు తెలిపారు.అలాగే దల్లి.మల్లేశ్వరరావు దంపతులు ఆధ్వర్యంలో వృద్ధునికి దుస్తులు,పిల్లలకి డైరీలు పంపిణీ చేయడం జరిగింది.ఈ కార్యక్రమంలో ఎంపీటీసీ ప్రతినిధి కాగితాల.కృష్ణా రెడ్డి,బాసి గోవింద రెడ్డి,గాలి సంతోష్ రెడ్డి,బోర.రాజారావు, సంఘస్తులు,తదితరులు పాల్గొన్నారు.