శంకర్‌పల్లి: ప్రతి ఒక్కరూ భక్తి మార్గంలో నడవాలని రంగారెడ్డి జిల్లా మహిళా కాంగ్రెస్ వైస్ ప్రెసిడెంట్ పామెన జ్యోతి భీమ్ భరత్ అన్నారు. శంకర్‌పల్లి మండల పరిధి సంకేపల్లి గ్రామంలో జరిగిన బోనాల పండుగకు ముఖ్య అతిథిగా జ్యోతి హాజరయ్యారు. జ్యోతి స్వయంగా అమ్మవారి బోనమెత్తుకొని ప్రత్యేక పూజలు చేశారు. ప్రతి ఒక్కరికి శుభాలు చేకూరాలని అమ్మవారిని కోరినట్లు జ్యోతి తెలిపారు. గ్రామస్తులు జ్యోతిని శాలువాతో ఘనంగా సన్మానించారు. కార్యక్రమంలో పెంటయ్య, ఎజాస్, రవీందర్, లక్ష్మణ్, మండల నాయకులు, గ్రామస్తులు ఉన్నారు.