కార్తీకపౌర్ణమి కాంతులు ప్రతి ఒక్కరి కష్టాలను దూరం చేయాలి: మున్సిపల్ చైర్మన్

శంకర్‌పల్లి: నవంబర్ 27: (సాక్షిత న్యూస్): కార్తీక పౌర్ణమి కాంతులు ప్రతి ఒక్కరి కష్టాలను దూరం చేయాలని శంకర్‌పల్లి మున్సిపల్ చైర్మన్ సాత విజయలక్ష్మి ప్రవీణ్ కుమార్ అన్నారు. సోమవారం కార్తీకపౌర్ణమి సందర్భంగా మండల పరిధిలోని చందిప్ప గ్రామ శివారులో గల శ్రీ బ్రహ్మ సూత్ర మరకత శివాలయంలో చైర్మన్ దంపతులు స్వామి వారికి ప్రత్యేక పూజలు, అభిషేకం చేసి, స్వామివారిని దర్శించుకున్నారు. అనంతరం ఆలయ పురోహితులు సాయి శివ, ప్రమోద్.. చైర్మన్ దంపతులకు తీర్థప్రసాదాలు అందజేశారు. ఈ సందర్భంగా చైర్మన్ మాట్లాడుతూ కార్తీక మాసంలో వెలిగించిన దీపాలు ప్రతి ఒక్కరి జీవితాల్లో వెలుగులు నింపాలని చైర్మన్ స్వామివారిని కోరుకున్నాని తెలిపారు. 13 మంది దంపతులు ఆలయ సన్నిధిలో భక్తులకు అన్నదానం నిర్వహించారు. ఆలయ కమిటీ చైర్మన్ సదానందం గౌడ్ అన్నదాతలకు స్వామివారి చిత్రపటాలను బహుకరించారు. భక్తులు, మహిళలు అధిక సంఖ్యలో పాల్గొన్నారు. ఏ అవాంఛనీయ సంఘటనలు జరగకుండా పోలీసులు బందోబస్తు నిర్వహించారు.