తాను ఎలాంటి సెటిల్మెంట్లు, దందాలు చేయనని వరంగల్ సీపీ రంగనాథ్ స్పష్టం చేశారు

వరంగల్: తాను ఎలాంటి సెటిల్మెంట్లు, దందాలు చేయనని వరంగల్ సీపీ రంగనాథ్ స్పష్టం చేశారు. తనపై భాజపా రాష్ట్ర అధ్యక్షుడు బండి సంజయ్ చేసిన ఆరోపణలపై సీపీ స్పందించారు. వరంగల్ లో మీడియాతో మాట్లాడుతూ.. “మేం ప్రమాణం చేసే ఉద్యోగంలోకి వచ్చాం. ప్రతి కేసులో ప్రమాణం చేయమంటే నేను 10వేల సార్లు చేయాలి. మా ఉద్యోగ ధర్మం మమ్మల్ని చేయనివ్వండి. మాల్ ప్రాక్టీస్ కేసును రాజకీయం చేయొద్దు. పార్టీలకు అతీతంగా బాధితులకు న్యాయం చేస్తాం. దర్యాప్తు ఏజెన్సీలను బెదిరించే ప్రయత్నం మంచిది కాదు” అని సీపీ పేర్కొన్నారు.