sakshitha
టీ.జీ.జయంత్ కు అవార్డు పట్ల తెలంగాణ యంగ్ లీడర్స్ హర్షం.
తెలంగాణ యంగ్ లీడర్స్ వ్యవస్థాపక అధ్యక్షుడు టీ.జీ. జయంత్ కు ఉగాది తెలుగు తేజం జాతీయ అవార్డ్ లభించింది. కంట్రీ క్లబ్&ప్రపంచ పర్యావరణ పరిరక్షణ సంస్థ కలయిక ఫౌండేషన్ సంయుక్తంగా నిర్వహించిన తెలుగు తేజం జాతీయ పురస్కారం 2023 సంవత్సరానికి బెస్ట్ యూత్ ఐకాన్ అవార్డును తెలంగాణ యంగ్ లీడర్స్ రాష్ట్ర అధ్యక్షుడు టి.జి.జయంత్ కు ప్రధానం చేశారు.తెలంగాణలో స్వచ్ఛంధంగా యూత్ ఆర్గనైజేషన్ ఏర్పాటు చేసి యువత హక్కుల కోసం తన వంతు కృషి చేస్తున్నారు. మరోవైపు తెలంగాణలో యూత్ కమీషన్ ఏర్పాటు చేయాలని తెలంగాణ యంగ్ లీడర్స్ ద్వారా కార్యక్రమాలు నిర్వహిస్తున్నారు.దీనితో టి.జి.జయంత్ బెస్ట్ యూత్ ఐకాన్ అవార్డును తెలంగాణ ఎన్నికల కమీషనర్ పార్థసారధి, హై కోర్టు మాజీ న్యాయమూర్తి జస్టిస్ చంద్రకుమార్ చేతుల మీదుగా అందుకున్నారు.ఈ సందర్భంగా టి.జి.జయంత్ మాట్లాడుతూ తెలంగాణ యంగ్ లీడర్స్ ద్వారా యువత కోసం తాము చేపడుతున్న కార్యక్రమాలకు తనకు ఈ అవార్డు ఇవ్వడం సంతోషంగా ఉందని అన్నారు.ఈ అవార్డు నామినేషన్ కు సహకరించిన కళ్యాణ్ నేత,పర్యావరణ సంస్ధ అధ్యక్షులు భద్రకు కృతజ్ఞతలు తెలియచేశారు.ఈ అవార్డు తెలంగాణ యంగ్ లీడర్స్ చేస్తున్న కార్యక్రమాలకు ఉత్సాహాన్ని ఇస్తుందని అన్నారు.టి.జి.జయంత్ ఈ అవార్డుకు ఎంపిక అవడం పట్ల తెలంగాణ యంగ్ లీడర్స్ ప్రతినిధులు జంగిలి సవీన్,పగడాల మహేష్,శ్రీకాంత్,నవీన్ రెడ్డి,విజయానంద్,సంజూ,
సంపత్, నవీన్ రెడ్డి,అజయ్ రెడ్డి తదితరులు హర్షం వ్యక్తం చేశారు
