చౌదరిగూడ మండల పోలీస్ స్టేషన్ పరిధిలోని ప్రతి గ్రామంలో స్థానికులు సమిష్టిగా సీసీ కెమెరాలను ఏర్పాటు చేసుకొని, నేరాల నియంత్రణకు సహకరించాలని షాద్ నగర్ ఏసీపీ సిహెచ్ రంగస్వామి సూచించారు.ఈ సందర్భంగా ఆయన మాట్లాడుతూ నేరాల నియంత్రణలో సీసీ కెమెరాలు ఆవశ్యకత ఎంతో ఉందన్నారు. ఒక్క సీసీ కెమెరా 100 మంది పోలీసులతో సమానమని గ్రామాల్లో సీసీ కెమెరాలు ఏర్పాటు చేయడం వల్ల ఏదైనా సంఘటనలు జరిగితే నేరస్తులను తేలికగా గుర్తుపట్టవచ్చన్నారు. కాబట్టి నేరాలను అరికట్టడానికి సీసీ కెమెరాల ఏర్పాటుకు ప్రతి ఒక్కరూ కృషి చేయాలని అన్నారు. ఈకార్యక్రమంలో సీఐ లక్ష్మీరెడ్డి, ఎస్సై సక్రం, పోలీస్ సిబ్బంది, తదితరులు పాల్గొన్నారు.