మహిళలకు బీ.ఆర్.ఎస్ నాయకులు చీరలు పంపిణీ చేశారు. శనివారం బొల్లారం మున్సిపల్ పరిధిలోని వైయస్సార్ కాలనీకి చెందిన సిద్ధి వినాయక కమిటీ సభ్యులు బీ.ఆర్.ఎస్ రాష్ట్ర సీనియర్ నాయకులు, మున్సిపల్ కౌన్సిలర్ వి.చంద్రారెడ్డి కోడలు ప్రత్యూష రెడ్డి జన్మదినాన్ని ఘనంగా నిర్వహించారు.

ఈ సందర్భంగా కాలనీలోని 400 మంది మహిళలకు కమిటీ సొంత నిధులతో చీరలు పంపిణీ చేశారు. మహిళలు పెద్ద ఎత్తున వేడుకల్లో పాల్గొని ఆమెకు జన్మదిన శుభాకాంక్షలు తెలియజేశారు. అనంతరం స్థానికులు నాయకులను ఘనంగా సన్మానించారు. తన పుట్టినరోజు సందర్భంగా శుభాకాంక్షలు తెలియజేయడానికి విచ్చేసిన మహిళలకు, అలాగే తమ సొంత నిధులతో మహిళలకు చీరలు పంపిణీ చేసిన సిద్ధి వినాయక కమిటీ సభ్యులకు ప్రత్యుష రెడ్డి ప్రత్యేక కృతజ్ఞతలు తెలిపారు. ఈ కార్యక్రమంలో కౌన్సిలర్ వి.చంద్రారెడ్డి కుటుంబ సభ్యులు, వైయస్సార్ కాలనీ మహిళలు, సిద్ధి వినాయక కమిటీ సభ్యులు తదితరులు పాల్గొన్నారు.