సాక్షిత : కుత్బుల్లాపూర్ నియోజకవర్గం పరిధిలోని చింతల్ ఆశ్రయ్-ఆకృతి హియరింగ్ క్లినిక్ వద్ద ఆశ్రయ్-ఆకృతి స్వచ్చంధ సంస్థ సహకారంతో ఉచితంగా ఏర్పాటు చేసిన వినికిడి పరికరాలను ఎమ్మెల్యే కేపి వివేకానంద్ ముఖ్య అతిథిగా పాల్గొని మాజీ కార్పొరేటర్లు కేఎం గౌరీష్ , బొడ్డు వెంకటేశ్వర రావు , మాజీ మున్సిపల్ వైస్ చైర్మన్ జయరాం , ఆశ్రయ్-ఆకృతి స్వచ్చంధ సంస్థ డైరెక్టర్ డిపీకే బాబు తో కలిసి 25 మందికి అందజేశారు. ఈ సందర్భంగా ఎమ్మెల్యే మాట్లాడుతూ ఆశ్రయ్-ఆకృతి స్వచ్చంధ సంస్థ వారు 1996 నుండి అనేక సేవా కార్యక్రమాలు నిర్వహించడం అభినందనీయమన్నారు. తన చేతుల మీదుగా నేడు అందజేయడం పట్ల సంతోషంగా ఉందని పేర్కొన్నారు. ఈ కార్యక్రమంలో స్థానిక నాయకులు, డాక్టర్లు, సిబ్బంది పాల్గొన్నారు.