sakshithanews
నేనేంటో అభివృద్ధి లో చూపుతా..
- కాంగ్రెస్ లోక్ సభ ఎంపీ అభ్యర్ధి రామ సహాయం రఘురాం రెడ్డి
- అన్నపురెడ్డి పల్లి, ములకలపల్లిలలో కార్నర్ మీటిoగులతో ప్రచారం
ఖమ్మం బ్యూరో చీఫ్ సాక్షిత
ప్రజాసేవ చేసేందుకే.. లోక్ సభ కు పోటీ చేస్తున్నా అని, తన మార్క్ ఎలా ఉంటుందో అభివృద్ధిలో చేసి చూపుతా అని కాంగ్రెస్ ఖమ్మం ఎంపీ అభ్యర్థి రామ సహాయం రఘురాం రెడ్డి అన్నారు. సోమవారం అన్నపురెడ్డిపల్లి, ములకలపల్లి మండల కేంద్రాల్లో కార్నర్ మీటింగ్, రోడ్ షోల ద్వారా ప్రచారం చేశారు. కాంగ్రెస్ శ్రేణులు, వామపక్ష నాయకులు ఎదురేగి ఘన స్వాగతం పలికారు. ఈ సందర్భంగా రఘురాం రెడ్డి మాట్లాడుతూ.. అందరికీ అందుబాటులో ఉంటానని, ప్రజాపాలన అంటే ఏమిటో రుచి చూపుతానని తెలిపారు. మీ పక్షాన గళం వినిపించేందుకు భారీ మెజారిటీతో గెలిపించి లోక్ సభకు పంపించాలని కోరారు.
అశ్వారావుపేట ఎమ్మెల్యే .. జారి ఆదినారాయణ మాట్లాడుతూ.. తనకంటే రెట్టింపు మెజారిటీ రఘు రాం రెడ్డికి రావడం ఖాయం అని అన్నారు. అందుకోసం ముమ్మర ప్రచారం చేస్తామని తెలిపారు. ఈ కార్యక్రమాల్లో విద్య, మౌలిక సదుపాయాల కార్పొరేషన్ చైర్మన్ మువ్వా విజయ్ బాబు, సీనియర్ నాయకులు తాళ్లూరి బ్రహ్మయ్య, మద్దినేని స్వర్ణకుమారి, కాంగ్రెస్ ప్రజాప్రతినిధులు, నాయకులు కార్యకర్తలు తదితరులు పాల్గొన్నారు.
